Insurance Policy: હવે વીમો ખરીદવા પર પડશે મોટો ફટકો! ચૂકવવો પડી શકે છે આટલો ટેક્સ
Insurance Policy New Rules: નાણામંત્રી નિર્મલા સીતારમણે સંસદમાં કેન્દ્રીય બજેટ 2023 રજૂ કરતી વખતે આવકવેરાના નિયમોમાં આ ફેરફારની જાહેરાત કરી હતી. જોકે, નાણામંત્રીએ સ્પષ્ટ કર્યું હતું કે આવા પ્રીમિયમ પર મળતો મૃત્યુ લાભ નવા આવકવેરા નિયમોથી કરમુક્તિ તરીકે ચાલુ રહેશે. તેમણે એ પણ જાહેરાત કરી હતી કે નવા આવકવેરાના નિયમો ULIPs પર લાગુ થશે નહીં.
Insurance Policy New Rules: મોદી સરકાર 2.0એ આ વર્ષે 1 ફેબ્રુઆરીએ તેનું છેલ્લું પૂર્ણ બજેટ રજૂ કર્યું. આ દરમિયાન નાણામંત્રી નિર્મલા સીતારમણે ઘણી મહત્વની જાહેરાતો કરી. નિર્મલા સીતારમણે આ જાહેરાતોમાં વીમો મેળવનારા લોકો માટે એક મહત્વપૂર્ણ જાહેરાત પણ કરી. નાણામંત્રીએ કહ્યું કે જીવન વીમા પ્રીમિયમમાંથી 5 લાખ રૂપિયાના વાર્ષિક પ્રીમિયમથી વધુની આવક નવા નાણાકીય વર્ષથી એટલે કે 1 એપ્રિલ, 2023થી કરપાત્ર થશે.
બજેટ 2023-
નાણામંત્રી નિર્મલા સીતારમણે સંસદમાં કેન્દ્રીય બજેટ 2023 રજૂ કરતી વખતે આવકવેરાના નિયમોમાં આ ફેરફારની જાહેરાત કરી હતી. જોકે, નાણામંત્રીએ સ્પષ્ટ કર્યું હતું કે આવા પ્રીમિયમ પર મળતો મૃત્યુ લાભ નવા આવકવેરા નિયમોથી કરમુક્તિ તરીકે ચાલુ રહેશે. તેમણે એ પણ જાહેરાત કરી હતી કે નવા આવકવેરાના નિયમો ULIPs (યુનિટ લિંક્ડ ઈન્સ્યોરન્સ પ્લાન્સ) પર લાગુ થશે નહીં.
નિર્મલા સીતારમણે સંસદમાં કહ્યું હતું કે 1 એપ્રિલ, 2023ના રોજ અથવા તે પછી જાહેર કરાયેલા જીવન વીમા પોલિસીઓ (યુલિપ સિવાયની) માટે, જો કુલ પ્રીમિયમ 5 લાખથી વધુ હોય, તો માત્ર રૂ. 5 સુધીના કુલ પ્રીમિયમવાળી પોલિસીઓ થવા પર આવકમાંથી મુક્તિ આપવામાં આવશે. આ જીવન વીમો વ્યક્તિના મૃત્યુ પર પ્રાપ્ત રકમને આપવામાં આવતી કર મુક્તિને અસર કરશે નહીં. તે 31 માર્ચ, 2023 સુધી જાહેર કરાયેલી વીમા પોલિસીઓને પણ અસર કરશે નહીં.
આ બજેટમાં નાણામંત્રી નિર્મલા સીતારમણે 5 લાખની મર્યાદાથી વધુ વાર્ષિક પ્રીમિયમ પર વીમા લાભ પર આવકવેરો લાદીને અન્ય જીવન વીમા ઉત્પાદનોને આવરી લીધા છે. જોકે, યુલિપ માટેની મર્યાદા પ્રતિ વર્ષ 2.5 લાખ રૂપિયા રાખવામાં આવી છે. આવી સ્થિતિમાં, એકવાર જીવન વીમા પર આ બજેટ દરખાસ્ત લાગુ કરવામાં આવે તો, 2.5 લાખ રૂપિયા સુધીના વાર્ષિક પ્રીમિયમ પર LIP લાભ પર કર મુક્તિ ઉપલબ્ધ થશે, જ્યારે પ્રતિ 5 લાખ રૂપિયા સુધીના પ્રીમિયમ પર જીવન વીમા લાભ પર કર મુક્તિ મળશે.